Schwyzerdütsche Kurzgedichte - Ernst Blumenstein



d’Narre sterbed us


(Ernst Blumenstein 1995)

Früehner hät mer gseit
d'Chind und d'Narre
säged d'Wohret.
D'Chind säged sie hüt noh
d'Narre sterbed us.


Chind


(Ernst Blumenstein 1995)

Lömmer doch d'Chind
so wes send
sosch sends bald
nömme Chind.


wortkarg


(Ernst Blumenstein 1992)

Wie goht's?

S'goht.

Wie spoht isch es?

Spoht.

Goht's dr guet?

Schoh.

Und der?

Mer au.

Chan ech dr hälfe?

Worum?

Ech ha nur g'meint

Aha, dorum.










Übersicht: Alemannisch, Elsässisch, Schwyzerdütsch, Hochdeutsch - Kultur & Regionalkultur



Alemannisch, Elsässisch, Schwyzerdütsch, Hochdeutsch - Kultur & Regionalkultur & Heimat am Oberrhein

Hörenswert bei SWR 2: Elsässisch, die "alemannische Internationale", Dialekt, Ökologie, Wyhl-Protest, Heimatgeschichte & Schreiben in einer sterbenden Sprache...

Gedichte, Texte, Kurzprosa







Textsammlung, wichtige Texte der Menschheit